Локалитетот Плаошник се наоѓа во јужното подножје на повисокиот (западен) рид на Охрид, на израмнето плато, помеѓу цитаделата на Самоиловата тврдина и црквата Св. Јован Канео.
Манастирот Плаошник во Охрид се верува дека бил изграден кога Свети Климент пристигнал во Охрид, во 893 година, на остатоците од друга ранохристијанска базилика украсена со подни мозаици.
Свети Климент го отворил првиот словенски универзитет и оттаму се шири старата словенска култура.
Кон крајот на 15 век, неговата црква била урната до темел од страна на Османлиите и на нејзино место била изградена џамија. Во 1942 и 1943 година започнале првите археолошки истражувања и биле откриени остатоците од старата црква на Свети Климент заедно со неговиот гроб.
На Плаошник е откриена крстилницата на петкорабната базилика со кукaсти крстови (свастики) на мозаичните подови кои датираат од периодот меѓу IV и VI век.
На 10 октомври 2007 година, археолозите открија колекција од приближно 2.383 венецијански монети додека го ископуваа манастирот.
Бидејќи манастирот е најсветата од сите цркви во Република Македонија, илјадници македонски православни христијани се собираат на Плаошник за време на големите верски празници како што се Велигден и Божиќ за да ги прослават и да учествуваат во литургиите.
